Logo
GL
DK
Logo

Inuiaqatigiinni  annertunerpaanik sunniuteqarsinnaasunik immikkoorutilinnik suliniuteqarniarpugut. Sammiumasavut tigussaasut tallimanik qulequtaqarput:

Peqqinneq

Pisisartutut siunertaqartumik toqqaasinnaaniassagavit, peqqinneq nerisassallu peqqinnartut pillugit ilisimasaqarnerulernissat immersueqataaffigiumavarput
Pisiassanik peqqinnartunik, økologiskinik ileqqorissaarnerlu tunngavigalugu pisisartutut toqqagassaqarnissat periarfissikkumavarput
Peqqinnartunik toqqaaneq, ilinnut sulisumut oqinnerulersinniarlugu suliniuteqarniarpugut

Avatangiiseq

Avatangiisimik innarlitsaaliuinermi suleqatarusuppugut, pisiniarfinnik ingerlatsinermi  nukissiuutinik atortorissaarutinillu atuinermik ileqqaaruteqarluta
Avatangiisimut innarliinngitsumik tunisassianik pisiassaateqarniarpugut, pisisartutut avatangiiseq tunngavigalugu toqqaaassaqarniassagavit
Avatangiisimut atatillugu suliniarnermi illit sulisutut suleqataanissat periarfissinniarparput, suliffinni angerlarsimaffinnilu avatangiiseq pillugu eqqarsalersillutit
Atortunik atueqqinnissamik eqqagassanullu atasumik pilersaarusiornermi pisortat immikkullu ilisimasallit isummersueqataaffigiumavagut suleqatigalugillu

Kalaallit Nunaanni atortussiassat

Kalaallit Nunaanni atortussiassanik tunisinermi siuttoorusuppugut, ilinnullu pisisartumut pisiassat erseqqarissumi pilerinarsarlugillu inissillugit
Nerisassanik tunisassianik siuarsaanermi nukittorsaanermi ineriartortitsinermilu tunniusseqataajumavugut illit naatitsisartoq, uumasuutilik nioqqutissiortorluunniit piorsaaninni suleqatigalutit aammalu niunermik ilisimasavut neqeroorutigalugit
Pisiassanik pitsaassusermillu piorsaanermi illit naatitsisartoq, uumasuutilik, tunisassiortoq unammilleqatigisarpullu suleqatigiumavatsigit

Sulisut

Ukiut tamaasa ukioq taanna sulifitsialattut toqqarneqarsinnaasutut ilisimaneqarusuppugut
Illit inuttut immikkooruteqartup ataavartumik ineriartornissaa pisinnaasaqarnerulernissaalu aqqutigalugit kajuminnartumik ilinniarfiusumillu suliffeqarnissat aallaavigalugu suliffiuniarpugut
Sulisunut, ingerlatseqatigiiffimmut pisisartunullu iluaqutaasumik sulisut pisortallu ineriartorfiattut nukittuutut inissikkumavugut

Pilersuinermik aqutsineq akisussaassuseqartoq

Pisiassatit isumannaatsumik tunisassiaasut ilisimassaqarfigissagit anguniarparput
Ileqqorissaarneq tunngavigalugu toqqaanissat anguniarlugu fair trade-nik, økologi-nilluil.il. sammisaqarniarpugut
Immikkoorutilimmik suliniuteqarusuppugut, susinnaanngilagulli illit peqataanngikkuit – atuisoq pisisartoq, sulisoq pilersuisorluunniit. Peqataasuppit?