Logo
GL
DK
Logo

Aningaasanik tapersersueriaatsimik politiki KNB

Anguniagaq

KNB aammattaaq pisiniarfiit projektinut aningaasanik tapersersuisarnerat killeqartarpoq. Aningaasat tapersersuinermi atorneqartartut projektinut niuerfitsinni Kalaallit Nunaanni pisiniarfeqarfinnilu ataasiakkaani peqqinnissamik siuarsaanernut, miljømut, kalaallit nerisassaataannut qiimmassaanermillu suliaqartunut atorneqakkajunnerupput.

Tapersersuinissamut aaliangiinermut tunngaviit

Aningaasanik tapersersortinnissamut qinnuteqaatini ataasiakkaani isiginiarneqartartut ukuupput.:

  • Projekti/aaqqissuussaq KNB-p pingaartitaanut, anguniagaanut CSR-imilu sammisaanut attuumassuteqassaaq.
  • Projekti/aaqqissuussaq sapinngisamik Kalaallit Nunaannut tamarmut iluaqutaassaaq.
  • Aningaasanik tapersersortinniarluni qinnuteqarnermi ilaassaaq, qanoq KNB/pisiniarfik avammut nittarsaanneqarnissaanik allaatigisaq.
  • KNB aningaasanik tapersersuutinik inuit ataasiakkaat tuninissaat anguniagarinngilaa, kisiannili Kalaallit Nunaanni tamarmi niuerfitta pitsanngorsaaffiginissaa anguniagaralugu.

Qanoq iliornikkut angingaasanik tapersersuutissanik KNB-mi imaluunniit pisiniarfinni qinnuteqartoqartarpa?

Aningaasat tapersersuutit immikkoortitigaapput. Kalaallit Nunaat tamaat imaluunniit niuerfiit ataasiakkaat

Qinnuteqaatit Kalaallit Nunaanut tamarmut tunngasut allagaqaatinngorlugit KNB-p qitiusumik allaffeqarfianut mailikkut, allaganngorlugu imaluunniit faxikkut nassiunneqassapput.

Qinnuteqaatit pisiniarfinnut ataasiakkaanut taassumalu avatangiisinut tunngasut allagaqaatinngorlugit pisiniarfimmut mailikkut, allaganngorlugu imaluunniit faxikkut nassiunneqassapput, aammattaaq periarfissaavoq pisiniarfimmut toqqaannartumik tunniukkiartornissaanut.

Angingaasanik tapersiissuutip imariuaannartussaavai:

  • Kina qinnuteqarpa? (Kattuffik, saaffissaq, saaffissamut paasissutissat assigisaallu)
  • Suna tunngavigalugu KNB sponsoreriniarneqarpa?
  • Suunuku anguniarneqartut aammattaarlu suunuku aaqqissuunniarneqartut?
  • Qaqugukku anguniagaq pilersinniarneqarpa?
  • Suunuku piumaneqartut? (Ikiorsiinerit, nioqqutissat asiusinnaasut, aningaasat)
  • KNB-p/Brugsenip aaqqissuussinermi ilaanermigut suut imminermut iluaqutaassappa?

Qinnuteqaatit tamarmik KNB-mit/Brugsenimit suliarineqareeraangamik allaganngorlugu akineqartarput. Qinnuteqaatit tamarmik qaammammut ataasiartumik KNB-mi, siulersuisuni imaluunniit pisiniarfinnit isummersiuffigineqartarput.

Taamaammat pingaaruteqarpoq piffissaq siusinaarlugu qinnuteqarneq. Qinnuteqaatit unneqqarissumik suliat salliutinneqartarput, taamatuttaarlu isummersornerni qinnuteqaatit assigiissaartumik suliarineqartarlutik.

Taamaalilluni KNB/Brugsenip angusarpaa, pisariitsumik uummaarissumillu qinnuteqaatit suliarineri.

E-maili aammattaarlu saaffissanut paasissutissat nittartakkatsinni alakkarneqarsinnaapput aammattaarlu qinnuteqaatit apuuffissaminnut/anguniakkaminnut tulluuttunut KNB qitiusumik allaffeqarfianut imaluunniit pisiniarfinnut nassiunneqassallutik.